- Lyrics
- Album list
- Singer Intro
鄭進一
-
西施
Lyricist:鄭進一/陳維祥 Composer:鄭進一 Arranger:鄭進一
我有一個七仔叫作扁G 伊殼頭缺嘴又擱蒜頭鼻 長長的頭毛可惜算算的無幾支 有時存風若吹來親像吹著蜘蛛絲 伊爸爸塊開當店錢莊放重利 擱A侷賣毒走私做烏龜 伊媽媽生美可惜腳骨大小支 聽人講十三歲就乎伊阿叔塊包飼 情人眼中出西施 醜女卡抹甲人相爭 橫豎我嘛不是什麼東西 大家攏無相批 情人眼中出西施 美的顛倒卡無彼青 橫豎我嘛已經虛 虛 虛 青對虛 看誰人卡吃虧 我有一隻馬仔叫WC內腳尾攏總一百四十二 肥肥的體格為何胸坎若樓梯 若躺塊時存會凍停著二隻噴射機 伊哥哥細漢就學人七桃做兄弟 出道就乎人邰一下變白癡 伊小弟塊做律師替人打官司 聽人講這存治塊內籬仔乎咱政府飼 情人眼中出西施 醜女卡抹甲人相爭 橫豎我嘛不是什麼東西 大家攏無相批 情人眼中出西施 美的顛倒卡無彼青 橫豎我嘛已經虛 虛 虛 青對虛 看誰人卡吃虧 我有一個愛人叫作ET伊醜甲出世父母著不敢飼 紅紅的嘴唇可惜內面擱大小齒 若雄雄笑的時存你會抓準看著鬼 伊姐姐塊做護士住治瘋病院 伊姊夫塊做醫生醫自己 伊小妹真正古錐可惜燒支支 聽人講甘那拿囝仔會凍開一間孤兒院 情人眼中出西施 醜女卡抹甲人相爭 橫豎我嘛不是什麼東西 大家攏無相批 情人眼中出西施 美的顛倒卡無彼青 橫豎我嘛已經虛 虛 虛 青對虛 看誰人卡吃虧
------------------------------------------
18621/《西施》Se-si 鄭進一Tēnn Tsìn-it
我有一个姼仔 guá ū tsi̍t-ê tshit-á 叫做BG kiò-tsuè BG 伊擴頭缺喙 i khok-thâu khih-tshuì 又閣蒜頭鼻 iū-koh suàn-thâu-phīnn 長長的頭毛 tn̂g-tn̂g ê thâu-mn̂g 可惜算算 khó-sioh sǹg-sǹg 無幾枝賰 bô kuí ki tshun 有時陣風若吹來 ū-sî-tsūn hong nā tshue--lâi 親像吹著蜘蛛絲 tshin-tshiūnn tshue tio̍h ti-tu-si
怹爸爸咧開當店錢莊 in pá-pah teh khui tǹg-tiàm tsînn-tsng 放重利 pàng tāng-lī 閣挨筊賣毒走私 koh e-kiáu bē-to̍k tsáu-su 做烏龜 tsò oo-kui 怹媽媽生媠 in má-mah senn suí 可惜跤骨大細支 khó-sioh kha-kut tuā-sè ki 聽人講 thiann lâng kóng 十三歲 tsa̍p-sann huè 就予怹阿叔 tiō hōo in a-tsik 咧包飼 teh pau-tshī
情人眼中出西施 tsîng-jîn gán-tiong tshut Se-si 䆀女較袂佮人相爭 bái-lú khah bē kah lâng sio-tsinn 橫直我 huînn-ti̍t guá 嘛毋是啥物東西 mā m̄-sī siánn-mih tōngxī 逐家攏無相偏 ta̍k-ke lóng bô sio-phinn
情人眼中出西施 tsîng-jîn gán-tiong tshut Se-si 媠的顛倒較無遐青 suí--ê tian-tò khah bô hiah tshinn 橫直我嘛已經虛虛虛 huînn-ti̍t guá mā í-king hi̋-hi-hi 青綴虛 tshinn tuè hi 看啥人較食虧 khuànn siánn-lâng khah tsia̍h-khui
我有一隻馬仔 guá ū tsi̍t-tsiah bé-á 叫做WC kiò-tsuè WC 躡跤尾 nih kha-bué 攏總一百四十二 Find more lyrics at ※ Mojim.com lóng-tsóng tsi̍t-pah sì-tsa̍p-jī 肥肥的體格 puî-puî ê thé-keh 哪會胸坎若樓梯 ná-ē hing-khám ná lâu-thui 若倒咧時陣 nā tó--leh sî-tsūn 會當停著兩隻噴射機 ē-tàng thîng tio̍h nn̄g-tsiah phùn-siā-ki
怹哥哥細漢 in kó-koh sè-hàn 學人𨑨迌做兄弟 o̍h lâng tshit-thô tsuè hiann-tī 出道就予人 tshut-tō tō hōo-lâng 刣一下變白痴 thâi tsi̍t-ē piàn pe̍h-tshi 怹小弟咧做律師 in sió-tī teh tsò lu̍t-su 替人拍官司 thè lâng phah-kuann-si 聽人講這陣 thiann lâng kóng tsit-tsūn 佇咧內籬仔 tī-leh lāi-lî-á 予咱政府飼 hōo lán tsìng-hú tshī
情人眼中出西施 tsîng-jîn gán-tiong tshut Se-si 䆀女較袂佮人相爭 bái-lú khah bē kah lâng sio-tsinn 橫直我 huînn-ti̍t guá 嘛毋是啥物東西 mā m̄-sī siánn-mih tōngxī 逐家攏無相偏 ta̍k-ke lóng bô sio-phinn
情人眼中出西施 tsîng-jîn gán-tiong tshut Se-si 媠的顛倒較無遐青 suí--ê tian-tò khah bô hiah tshinn 橫直我 huînn-ti̍t guá 嘛已經虛虛虛 mā í-king hi̋-hi-hi 青綴虛 tshinn tuè hi 看啥人較食虧 khuànn siánn-lâng khah tsia̍h-khui
我有一个愛人 guá ū tsi̍t-ê ài-jîn 叫做ET kiò-tsuè ET 伊䆀甲 i bái kah 出世爸母就毋敢飼 tshut-sì pē-bú tō m̄-kánn tshī 紅紅的喙脣 âng-âng ê tshuì-tûn 可惜內面大細齒 khó-sioh lāi-bīn tuā-sè khí 若雄雄笑的時陣 nā hiông-hiông tshiò ê sî-tsūn 你會掠準看著鬼 lí ē lia̍h-tsún khuànn-tio̍h kuí
怹姊姊咧做護士 in tsé-tseh teh tsò hōo-sū 蹛佇痟病院 tuà tī siáu-pēnn-īnn 怹姊夫咧做醫生 in tsí-hu teh tsò i-sing 醫家己 i ka-kī 怹小妹真正古錐 in sió-bē tsin-tsiànn kóo-tsui 可惜嬈記記 khó-sioh hiâu kì-kì 聽人講干焦提囡仔 thiann lâng kóng kan-na the̍h-gín-á 會當開一間孤兒院 ē-tàng khui tsi̍t-king koo-jî-īnn
情人眼中出西施 tsîng-jîn gán-tiong tshut Se-si 䆀女較袂佮人相爭 bái-lú khah buē kah lâng sio-tsinn 橫直我 huînn-ti̍t guá 嘛毋是啥物東西 mā m̄-sī siánn-mih tōngxī 逐家攏無相偏 ta̍k-ke lóng bô sio-phinn
情人眼中出西施 tsîng-jîn gán-tiong tshut Se-si 媠的顛倒較無遐青 suí--ê tian-tò khah bô hiah tshinn 橫直我嘛已經虛虛虛 huînn-ti̍t guá mā í-king hi̋-hi-hi 青綴虛 tshinn tuè hi 看啥人較食虧 khuànn siánn-lâng khah tsia̍h-khui
- Special thanks to W.B. Chen for correcting the lyric.
- Related Links: W.B. Chen
|