- Lyrics
- Album list
- Singer Intro
鄭進一
-
賊仔的心聲
女聲-滿書雯 原曲:流浪到淡水
(一) 有結無綠大家關做伙 心內一句話 真衰啦 真衰啦
三更半瞑揣著傢西一卡大布袋 大樓人家店號一直找 做著賊仔打拼賺錢已經彼多年 才知影警察是第一辛苦的人 雖然有時無閒歸暗 鏘攏無半項 怨嘆世事抹凍照希望 想起故鄉心愛的人鼓勵甲疼痛 只希望蒼天照顧作鏘仔的人 阮不是喜愛虛嘩 阮只是會開擱貧段 賺啊抹好額 風雨嘛著行 電視冰箱卡重也著搬 踩著月色爬起爬落 不敢出差錯 盡量不通吵著人的眠 現在的人愈來愈暗睏 這途飯愈食愈心酸 有綠無緣大家關做伙 心內有一句話 真衰啦 真衰啦[口白] (二) 阮不是怨嘆運命 阮祇是讓人打拼 鏘那秣好額 風雨也得行 滿腹心事委曲啥知影 腳步輕輕爬起爬落 黑衫甲黑褲 尚驚堵著半暝啊起來放尿 有錢的人愈來煞愈少 擔誤著咱幸福的前途 有綠無緣大家關做伙 心內有一句話 真衰啦 真衰啦
------------------------------------------
《賊仔的心聲》Tsha̍t-á ê Sim-siann 鄭進一 Tēnn Tsìn-it 賀一航 Hō It-hâng
有緣無緣 ū-iân bô-iân 逐家關做伙 ta̍k-ke kuainn tsuè-hué 心內有一句話 sim-lāi ū tsi̍t-kù uē 誠衰啦 tsiânn sue--lah 誠衰啦 tsiânn sue--lah
三更半暝 sann-kinn-puànn-mî 攢著家私 tshuân tio̍h ke-si 一跤大布袋 tsi̍t-kha tuā pòo-tē 大樓人家店號一直揣 tuā-lâu jîn-ke tiàm-hō it-ti̍t tshuē 做著賊仔拍拚趁錢 tsuè tio̍h tsha̍t-á phah-piànn thàn-tsînn 已經遮濟年 í-king tsiah tsuē nî 才知影警察 tsiah tsai-iánn kíng-tshat 是第一辛苦的人 sī tē-it sin-khóo ê lâng
雖然有時無閒規暗 sui-jiân ū sî bô-îng kui àm 勍攏無半項 khiang lóng bô-puànn-hāng 怨嘆世事袂當照希望 uàn-thàn sè-sū bē-tàng tsiàu hi-bāng 想起故鄉心愛的人 siūnn-khí kòo-hiong sim-ài ê lâng 鼓勵佮疼痛 kóo-lē kah thiànn-thàng 只希望蒼天 tsí hi-bāng tshong-thian 照顧做勍仔的人 tsiàu-kòo tsuè khiang-á ê lâng
阮毋是喜愛虛華 gún m̄-sī hí-ài hi-hua 阮只是𠢕開閣貧惰 gún tsí-sī gâu khai koh pîn-tuānn 趁也袂好額 thàn ā bē hó-gia̍h 風雨嘛著行 hong-hōo mā tio̍h kiânn 電視冰箱 tiān-sī ping-siunn 較重也著搬 khah tāng iā tio̍h puann
踏著月色 ta̍h-tio̍h ge̍h-sik peh起peh落 peh khí peh lo̍h 毋敢出差錯 m̄-kánn tshut-tsha-tshò 盡量毋通吵著人的眠 tsīn-liōng m̄-thang tshá tio̍h lâng ê bîn 現在的人 hiān-tsāi ê lâng 愈來愈暗睏 jú lâi jú àm-khùn 這途飯 tsit tôo pn̄g 愈食愈心酸 jú tsia̍h jú sim-sng
有緣無緣 ū-iân bô-iân 逐家關做伙 ta̍k-ke kuainn tsò-hué 心內有一句話 sim-lāi ū tsi̍t-kù uē 誠衰啦 tsiânn sue--lah 誠衰啦 tsiânn sue--lah
. ↓↓(口白)---(口白)---(口白)↓↓
鄭) 唉!講著現代人乎 Haih! kóng-tio̍h hiān-tāi lâng--honnh, 一點仔人情味都無啦 tsi̍t-tiám-á jîn-tsîng-bī to bô--lah. 彼攏都知影 He lóng to tsai-iánn 咱做賊仔已經誠辛苦 lán tsò tsha̍t-á í-king tsiânn sin-khóo, 三更半暝出門 sann-kenn-puànn-mê tshut-mn̂g; 曷袂曉講 a̍h bē-hiáu kóng, 咱欲勍的時陣乎 lán beh khiang ê sî-tsūn--honnh, 加減煮兩碗仔點心 ke-kiám tsú nn̄g-uánn-á tiám-sim 等咱食 tán lán tsia̍h
也毋是講按呢講爾 Ā m̄-sī kóng án-ne kóng--niâ, 彼門乎 he mn̂g--honnh, 啊創甲三四个門鎖啦 ah tshòng kah sann-sì ê mn̂g-só--lah; 曷無想講 a̍h bô siūnn-kóng, 咱做賊仔是咧創啥的 lán tsò tsha̍t-á sī leh tshòng-siánn--ê
Find more lyrics at ※ Mojim.com 我專門研究這科的呢 Guá tsuan-bûn gián-kiù tsit kho--ê-neh. 莫講三四个鎖 Mài-kóng sann-sì ê só, 十外个 tsa̍p guā ê, 恁爸嘛成做開入去 lín-pē mā tsiânn-tsò khui ji̍p-khì 莫講開袂入去 mài-kóng khui bē ji̍p-khì 我無嘛蹔就蹔開 guá bô mā tsàm tō tsàm khui
蹔袂入去 Tsàm bē ji̍p-khì, 我無嘛... guá bô mā... 真正... Tsin-tsiànn...
賀) 欸!少年的 Eh! siàu-liân--ê,
鄭) 按怎? Án-nuá? 太可惡呢! Thài khó-ònn--neh!
賀) 免炸! Bián tsuànn! 免炸! Bián tsuànn!
鄭) 按怎講? Án-nuá kóng?
賀) 若欲講衰啊 Nā beh kóng sue--ah, 恁爸上衰啦! lín-pē siāng sue--lah!
鄭) 講來鼻芳一个喔 Kóng lâi phīnn-phang tsi̍t-ê--ooh.
賀) 我去共人偷提物件 Guá khì kâng thau-the̍h mi̍h-kiānn. 結果呢 Kiat-kó--neh, 金庫拍開 kim-khòo phah khui 內面 lāi-bīn,
鄭) 按怎? Án-nuá?
賀) 乎!攏總一千的 Honnh! lóng-tsóng tsi̍t-tshing--ê.
鄭) 哎喲!恭喜! Aih-iooh! Kiong-hí!
賀) 𢯾一堆轉去到厝了後呢 Mooh tsi̍t-tui tńg-khì kàu tshù liáu-āu--neh,
鄭) 按怎? Án-ná?
賀) 提出來開 the̍h tshut-lâi khai 才知影講 tsiah tsai-iánn kóng 是假的 sī ké--ê
鄭) 唅!勍著假的喔! Hannh! Khiang tio̍h ké--ê-ooh! 這个人嘛無意思啦! Tsit ê lâng mā bô ì-sù--lah! 講囥假的踮厝啦 Kóng khǹg ké--ê tàm tshù--lah
賀) 我毋知影講 Guá m̄ tsai-iánn kóng 這馬的人厝裡下假錢啦! tsit-má ê lâng tshù-lìn hē ké-tsînn--lah!
鄭) 哎喲,這嘛無意思 aih-iooh, tse mā bô ì-sù! 曷無講咱做賊仔的... a̍h bô kóng lán tsò tsha̍t-á--ê... 假若咱... Ká-ná lán... 欸,做賊仔著閣兼會曉鑑定 eh, tsò tsha̍t-á to̍h koh kiam ē-hiáu kàm-tīng 按呢咱都... án-ne lán to... 做...做警察就好矣咧 tsò... tsò kíng-tshat tō hó--ah-leh ↑↑(口白)---(口白)---(口白)↑↑ .
阮毋是怨嘆運命 gún m̄-sī uàn-thàn ūn-miā 阮只是讓人拍拚 gún tsí-sī niū lâng phah-piànn 儉若袂好額 khiām nā bē hó-gia̍h 風雨也著行 hong-hōo iā tio̍h kiânn 滿腹心事 muá-pak sim-sū 委屈誰知影 uí-khut siáng tsai-iánn
跤步輕輕起落 kha-pōo khin-khin peh khí peh lo̍h 烏衫佮烏褲 oo-sann kah oo-khòo 上驚拄著 siōng kiann tú-tio̍h 半暝仔起來放尿 puànn-mê-á khí-lâi pàng-jiō 有錢的人 ū-tsînn ê lâng 愈來煞愈少 jú lâi suah jú tsió 耽誤著咱幸福的前途 tam-gōo tio̍h lán hīng-hok ê tsiân-tôo
有緣無緣 ū-iân bô-iân 逐家關做伙 ta̍k-ke kuainn tsuè-hué 心內有一句話 sim-lāi ū tsi̍t-kù uē 誠衰啦 tsiânn sue--lah 誠衰啦 tsiânn sue--lah
- Special thanks to 路人 不殺無名 W.B. Chen for correcting the lyric.
- Related Links: W.B. Chen
|