- Album Intro
- Lyrics
- Album list
- Singer Intro
江蕙
-
今夜山風吹心房
Lyricist:熊天益 Composer:熊天益
若是過去的好壞隨在你講 只要你不通像阮這憨 嘸看身邊陪阮的伴講放乎離開 暮色的山講我無情 微微塊吹面的山風冷 嚥氣的事 失落的夢 可惜啦
想到高接梨甘蔗紅肉李 你看姑娘純純啊美 伊惦園林內湊三工采烏葉荔枝 日頭閃閃偎中午 一身驅濕汗酸透透 伊講伊無礙 伊無嫌苦 嘛不曾怨嘆
#伊無看我無錢 耐心等我 替我想我這款人生 可惜啦 我講不曾感覺伊的好
今夜山風吹 吹阮心房 暮色的山已經黑暗 是啥塊對阮輕嘆 你沒路用 今夜山風吹 吹阮心房 暮色的山已經黑暗 想伊想起過去 彼呢遺憾心會酸 #
想著蕃薯葉高麗綠仔筍 你看姑娘慢慢啊滾 窗外是綿綿的冬尾雨 講是也袂立春 十二月天光到夜晚 嘸甘伊腰酸腳手凍 伊講伊無礙 伊無嫌苦 嘛不曾怨嘆
Repaet#
Woo~ 心會酸
------------------------------------------
《今夜山風吹心房》Kim-iā Suann-hong Tshue Sim-pâng 江蕙Kang Huī
若是過去的好䆀 nā-sī kuè-khì ê hó-bái 隨在你講 suî-tsāi lí kóng 只要你毋通像阮遮戇 tsí-iàu lí m̄-thang tshiūnn gún tsiah gōng 毋看身邊陪阮的伴 m̄-khuànn sin-pinn puê gún ê phuānn 講放予離開 kóng pàng hōo lī-khui
暮色的山講我無情 bōo-sik ê suann kóng guá bô-tsîng 微微咧吹面的山風冷 bî-bî teh tshue bīn ê suann-hong líng 厭氣的事 iàn-khì ê sū 失落的夢 sit-lo̍h ê bāng 可惜啦 khó-sioh--lah
想著高接梨 siūnn-tio̍h ko-tsiap-lâi 甘蔗紅肉李 kam-tsià âng-bah-lí 你看姑娘純純仔媠 lí khuànn koo-niû sûn-sûn-á suí 伊踮園林內 i tiàm hn̂g-nâ lāi 鬥相共採烏葉荔枝 tàu-sann-kāng tshái oo-hio̍h nāi-tsi 日頭閃閃倚中晝 ji̍t-thâu siám-siám uá tiong-tàu 一身軀澹汗酸透透 tsi̍t-sin-khu tâm-kuānn sng thàu-thàu 伊講伊無礙 i kóng i bô-gāi 伊無嫌苦 i bô hiâm khóo 嘛毋捌怨嘆 mā m̄-bat uàn-thàn
伊無看我無錢 i bô khuànn guá bô-tsînn 耐心等我 nāi-sim tán guá Find more lyrics at ※ Mojim.com 替我想我這款人生 thè guá siūnn guá tsit khuán jîn-sing 可惜啦 khó-sioh--lah 我講毋捌感覺伊的好 guá kóng m̄-bat kám-kak i ê hó
今夜山風吹 kim-iā suann-hong tshue 吹阮心房 tshue gún sim-pâng 暮色的山已經烏暗 bōo-sik ê suann í-king oo-àm 是啥咧對阮輕嘆 sī siánn teh tuì gún khin-thàn 你無路用 lí bô-lōo-iōng
今夜山風吹 kim-iā suann-hong tshue 吹阮心房 tshue gún sim-pâng 暮色的山已經烏暗 bōo-sik ê suann í-king oo-àm 想伊想起過去 siūnn i siūnn-khí kuè-khì 遐爾遺憾心會酸 hiah-nī uî-hām sim ē sng
想著番薯葉 siūnn-tio̍h han-tsî-hio̍h 高麗綠仔筍 ko-lê li̍k-á-sún 你看姑娘慢慢仔𤉙 lí khuànn koo-niû bān-bān-á kûn 窗外是綿綿的冬尾雨 thang-guā sī mî-mî ê tang-bué hōo 講是猶未立春 kóng--sī iáu-buē li̍p-tshun 十二月天光到下暗 tsa̍p-jī--gue̍h thinn-kng kàu e-àm 毋甘伊腰酸跤手凍 m̄-kam i io sng kha-tshiú tàng 伊講伊無礙 i kóng i bô-gāi 伊無嫌苦 i bô hiâm khóo 嘛毋捌怨嘆 mā m̄-bat uàn-thàn
伊無看我無錢 i bô khuànn guá bô-tsînn 耐心等我 nāi-sim tán guá 替我想我這款人生 thè guá siūnn guá tsit khuán jîn-sing 可惜啦 khó-sioh--lah 我講毋捌感覺伊的好 guá kóng m̄-bat kám-kak i ê hó
今夜山風吹 kim-iā suann-hong tshue 吹阮心房 tshue gún sim-pâng 暮色的山已經烏暗 bōo-sik ê suann í-king oo-àm 是啥咧對阮輕嘆 sī siánn teh tuì gún khin-thàn 你無路用 lí bô-lōo-iōng
今夜山風吹 kim-iā suann-hong tshue 吹阮心房 tshue gún sim-pâng 暮色的山已經烏暗 bōo-sik ê suann í-king oo-àm 想伊想起過去 siūnn i siūnn-khí kuè-khì 遐爾遺憾心會酸 hiah-nī uî-hām sim ē sng
吁~啊~ 心會酸 uh~ah~ sim ē sng
- Special thanks to W.B. Chen for correcting the lyric.
- Related Links: W.B. Chen
|